Blogerja e njohur Sarah Berisha dhe Pajtim Krasniqi ose ndryshe i njohur si Dj PM janë një nga çiftet më të komentuara në mediat sociale. Lidhja e tyre nisi para syve të publikut brenda shtëpisë së famshme të “Big Brother Vip”.
Pas përfundimit të spektaklit çifti vazhdojnë ende bashkë dhe duket se marrëdhënia e tyre sa vjen dhe po forcohet dita-ditës.
Dj PM është goxha i pëlqyer nga publiku, sidomos nga vajzat dhe kjo gjë vërehet në profilin e tij, ku numri më i madh i ndjekësve të ish-banorit janë femra. Pajtimi e ka bërë të ditur për ndjekësit e tij këtë gjë teksa ka publikuar grafikun ku tregonte se rreth 70% e personave që ndjekin profilin e tij janë femra ndërsa pjesa tjetër e mbetur janë meshkuj.
Dhe për këtë gjë PM ka bërë shaka teksa krahas fotos shkroi: “Eh të mos kisha pasur të dashur”, duke lënë të nënkuptohej se nëse nuk do të ishte i lidhur me Sarën, numri i vajzave që e ndjekin do të ishte më i lartë.
Deri më tani nuk ka pasur asnjë reagim nga ana e blogeres në lidhje me ketë batutë të PM.
Rikujtojmë se Berisha ka folur disa kohë më parë se gjërat midis saj dhe PM po shkojnë shumë mirë dhe janë duke e shijuar lidhjen. Momentalisht lidhja e tyre është në distancë pasi Pajtimi jeton në Kosovë ndërsa Sara në Tiranë por e vizitojnë njëri-tjetrin shumë shpesh.
Sipas saj është më mirë kur nuk takohen shumë ose të jenë bashkë 24 orë pasi do të hasnin debate por nuk nguroi të shtonte se gjithashtu distanca është e vështirë por ata këtë gjë e morën parasysh që në fillimet e lidhjes së tyre.
