Elia Zaharia i ka kushtuar një falënderim të veçantë Sadije Berishës, e cila ka vendosur që të ardhurat e mbledhura nga shitja e librit të saj me receta kuzhine, t’i dhurojë në ndihmë të njerëzve në nevojë. Konkretisht, ish-bashkëshortja e Shkëlzen Berishës ka ndihmuar në krijimin e ambienteve të reja për fëmijët dhe një kënd lojërash për argëtimin e tyre.
Ja statusi i Elias në Facebook:
“Sot inauguruam restaurimin e kopshtit ne fshatin Zall Shoshaj. I jam mirënjohëse znj. Sadije Berisha që zgjodhi fondacionin Mbretëresha Geraldinë për të bërë këtë donacion. E dashur mikeshë, të falënderoj pafund për bujarinë dhe zemërgjerësinë tende! Sot, libri yt i ëmbëlsirave, shitjet e të cilit mundësuan këtë investim, mori një dimension krejt tjetër. Sot, ëmbëlsove pafundësisht zemrat e shumë fëmijëve, që falë kontributit tënd kanë një kopsht të ri plot me lodra! Si rrallëkush, e mbajte fjalën!”
