Ish- sulmuesi i famshëm i Shqipërisë Igli Tare është dërguar për gjykim në Romë për dëshmi të rreme. Së bashku me drejtorin sportiv Tare nën akuzë është edhe sekretari i përgjithshëm i Lazios, Armando Kalveri.
Sipas akuzës, Tare dhe Kalveri kanë mashtruar në deklarimin se Mauro Zarate nuk është stërvitur në qendrën stërvitore të Lazio, në Formelo për periudhën mars-qershor 2013. Gjyqi do të zhvillohet më 17 tetor.
Në këtë periudhë Zarate ka qenë në një konflikt të gjatë me Lazion ndaj u largua. Lazio i hoqi tre muaj nga paga me pretendimin se Zarate nuk ishte paraqitur në stërvitje. Futbollisti argjentinas i ka dërguar elemente të mjaftueshme akuzës që ai është stërvitur ne Formelo në atë periudhë dhë kërkon 900.000 eurot e mbajtura nga paga.
