Sekretarja e përgjithshme e PDIU-së prezanton programin për Çështjen Kombëtare.
“Bashkimi i vërtetë nis nga mendja dhe nga shpirti, gjë që ne duam ta realizojmë. Ne nuk duhet vetëm të bashkëpunojmë, por dhe të mendojmë si një komb”, tha sekretarja e oërgjithshme e PDIU-së, Mesila Doda, e cila prezantoi pikat programit të kësaj partie për Bashkimin Kombëtar.
Doda sqaroi edhe ata që kërkojnë ta ngatërrojnë Çështjen Kombëtare me të tjera perceptime folklorike për Bashkimin Kombëtar. Doda renditi pikat që propozon PDIU për këtë bashkim të shqiptarëve.
“Fillimisht, bashkimi ekonomik është prirotet. Përafrimi doganor, leku si monedhë kombëtare jo vetëm në Shqipëri, por edhe në Kosovë. Së dyti, legjislacioni. Për një bazë të përbashkët ligjore nuk është bërë asgjë nga asnjëra palë, dhe hapi i parë duhet të jetë përafrimi i legjislacionit.”
Më pas ajo parashtroi një projektligj për mbrojtjen e gjuhës shqipe si ta ruajmë dhë ta mbrojmë gjuhën shqipe.
“Një pikë tjetër shumë e rëndësishme është propozimi i krijimit të Lidhjes së partive politike shqiptare, si një forum me pjesëmarrjen e të gjitha partive politike shqiptare pa dallim për çështjet e mëdha kombëtare që mund të mbidhen periodikisht, jo më pak se një herë në vit”,- tha Mesila Doda.
“Më ka bërë përshtypje fushata që po bëjmë, sepse shikoj një bjerrje të shpresës si një realitet i rrallë. Gra dhe burra në kufi të mjerimit që nuk duan të flasin për politikë, për atdhe ndryshe.”, shtoi sekretarja e përgjithshme e PDIU-së.
