Komisioni Shtetëror i Zgjedhjeve në Maqedoninë e Veriut ka miratuar sot konkluzën për shpalljen e rezultateve zyrtare të zgjedhjeve parlamentare të 15 korrikut.
Gjatë seancës së hapur, kreu i KSHZ-së Oliver Derkovski njoftoi rezultatet e përbërjes së re të Parlamentit me 120 deputetë, respektivisht:
-LSDM 46 mandate;
-VMRO-DPMNE 44 mandate;
-BDI 15 mandate;
-ASH-AA 12 mandate;
-E majta 2 mandate;
-PDSH 1 mandat.
Pra, partitë shqiptare do të kenë 32 ulëse: BDI-ja 15, ASH-AA-ja 12, PDSH-ja 1 dhe BESA që është në koalicion me LSDM-në, 4 mandate. Grupi më i madh parlamentar është ai i LSDM-së me 46 mandate, dy më pak ka VMRO-DPMNE, kurse E majta ka fituar dy ulëse në Kuvend.
Pa mandate mbeten Integra, GDU, Moro, Glas za Makedonija, E vetmja Makedonia, SDU, Tvoja prtija, Demokratët dhe Partia popullore rome.
