Sekretarja e Përgjithshme e PDIU-së Mesila Doda ka qenë e ftuar ditën e sotme në emiosionin Top Talk në Top Channel me gazetarin Denis Dyrnjaja.
Doda tha se një nga vijat e kuqe, e cila është alarm për të gjithë shqiptarët, është censusi me vetëdeklarim apo vetëshpallje të Kombësisë, e miratuar kjo nga një deklaratë e kryeministrit Rama në Greqi.
Doda u shpreh se PDIU ka mbështetjen e PD-së në këtë betejë, pasi Basha ka votuar ligjin e censusit që PDIU ka patur të shkruar, që nuk mund të ketë deklarim të rremë të kombësisë.
“Akti i mini-Shengenit Ballkanik jo vetëm që duhet të na alarmojë të gjithëve dhe mbi të gjitha jo çfarë ka deklaruar në Athinë. Ai deklaron se do bëhet census me vetëdeklarim apo vetëshpallje të Kombësisë. Dhe kjo duhet të jetë beteja jonë e gjithë shqiptarëve.
300 mijë grekë do të kërkojë zona në Himarë apo në pjesën tjetër të jugut të Shqipërisë. Ky është alarm ai jashtëzakonshëm për shqiparët. Kjo është një nga linjat e kuqe me të cilën me PDIU-në nuk ekziston një kompromis. Ky shteg duhet mbyllur”, tha Doda.
