Mesfushori brazilian Casemiro ka pasur aq ndikim të madh këtë sezon saqë skuadra e Erik Ten Hag shpesh duket e humbur pa të, prandaj atij i duhet t’i rregullojë sjelljet në fushë.
Nga disa çarqe Casemiro është lartësuar si blerja më e rëndësishme e Manchester Unitedit që nga Eric Cantona.
Duket pak herët për një krahasim kaq të madh, edhe nëse mesfushori ka mahnitur tifozët me angazhimin e tij dhe ka qenë mur mbrojtës për skuadrën e Ten Hagut në tetë muajt e tij në Old Trafford.
Por ka një gjë të përbashkët mes Casemiros dhe Cantonas: kartonët e kuqë
Casemiro mund të mos ketë goditur ende ndonjë tifoz apo mos ta ketë shkelur ndonjë kundërshtar, por në më pak se dy muaj ai është pezulluar tri herë.
Së pari, ai mori kartonin e tij të pestë të verdhë të sezonit në ndeshjen kundër Crystal Palace në janar, duke munguar si pasojë në ndeshjen e rëndësishme kundër liderit të Premierligës, Arsenal, në udhëtim, të cilën United e humbi 3:2.
Më pas, ai u përjashtua në shtëpi te Palace pasi e kapi për fytyre Will Hughesin dhe u pezullua për tri ndeshje në Premierligë: barazimi 2:2 në shtëpi ndaj Leedsit, fitorja 2:0 në udhëtim ndaj Leedsit dhe fitorja 3:0 në shtëpi ndaj Leicesterit.
Pasi u përjashtua kundër Southamptonit të dielën, ai tani është i pezulluar edhe për katër ndeshje të tjera, për shkak se ishte kartoni i tij i dytë i kuq radhazi këtë sezon. Ai nuk mund të përballet me skuadrën në formë Fulham në çerekfinalet e FA Cup të dielën, por do të mungojë kundër Newcastle në udhëtim dhe për ndeshjet në shtëpi me Brentford dhe Everton.
Kur të rikthehet nga pezullimi në prill, ai do ta ketë kryer dënimin prej tetë ndeshjeve moslojë nga 20 ndeshjet e fundit të Unitedit.
Skuadra e Ten Hag ka fituar 72% dhe ka qenë e pamposhtur 90% të ndeshjeve në të cilat Casemiro ka startuar. Ndërsa në skuadra i ka fituar vetëm 53% të ndeshjeve ku ka munguar ai, dhe ka qenë e pamposhturit në 60% të ndeshjeve në të cilat nuk ka luajtur titullar ai.
Duke qenë ende në garë për trofe në FA Cup dhe për një vend në top katërshe në Premierligë, Unitedi nuk mund të përballojë humbjen e një njeriu i cili ka ditur ta ruajë qetësinë për kaq shumë ndeshje.
Nacionale
