Një prej kokave të bandës së call-centerave që mashtronte njerëzit është ekstraduar nga Shqipëria për në Tajlandë dhe është lënë në paraburgim.
Zëvendëszëdhënës i Zyrës së Prokurorit të Përgjithshëm (OAG), Prayuth Phetkhun tha se i dyshuari, se i akuzuari Tzu Yuan Kuo, arriti në Aeroportin Suvarnabhumi të mërkurën pas operacionit të ekstradimit. Mashtruesi Kuo u arrestua në Tiranë, më 27 shtator të vitit të kaluar dhe autoritetet shqiptare njoftuan auto tajlandeze për të nisur procesin e ekstradimit.
Sipas autoriteteve tajlandeze banda e Kuo-s dyshohet se operonte nga Dubai për të bërë thirrje VOIP (zë mbi IP) ose telefonata të bazuara në internet për të mashtruar viktimat në Tajlandë, Malajzi dhe Japoni.
Disa tajlandezë kanë rënë viktima të kësaj bande, të cilët shtireshin si gjykatës, zyrtarë poste, oficerë policie, zyrtarë të Departamentit të Hetimit Special, zyrtarë kundër pastrimit të parave, oficerë të luftës kundër drogës dhe si zyrtarë të bankës qendrore.
Prayut tha se banda i mashtronte njerëzit duke thënë se llogaritë e tyre bankare ishin të përfshira me paratë e drogës.
Gangsterët më pas kërkonin të dhënat personale nga viktimat, si emrat, numrat e kartave të identitetit, numrat e kartave të kreditit, numrat e llogarisë bankare dhe numrin në anën e pasme të kartave të tyre të kreditit.
Ata mashtronin viktimat e tyre për t’i detyruar të transferonin paratë.
Prayuth tha se OAG kishte ngritur padi penale kundër Kuo dhe bashkëpunëtorëve të dyshuar në mungesë në vitin 2018 përpara se të lëshoheshin urdhër-arrestet kundër tyre nga Gjykata Phra Khanong dhe Interpoli.
