Drejtori i Policisë së Shtetit argumenton se çdo varësi tjetër e këtij institucioni do të vështirësonte punën e policisë
Drejtori i Përgjithshëm i Policisë së Shtetit, Haki Çako, propozon që Byroja Kombëtare e hetimit të jetë në varësi të Ministrisë së Brendëshme. Në një intervistë për “Ora News” me gazetaren Ilva Tare, Çako e argumentoi këtë propozim me idenë se Byrja e Hetimit është prioritet i qeverisë dhe për këtë arsye duhet të menaxhohet prej saj. “Byroja e hetimit ka qenë një nga prioritetet e qeverisë, ne kemi punuar me ekspertë të huaj për të formatuar një strukturë që do të operonte në investigimin, por edhe rasteve të korrupsionit të nivelit të lartë. Janë krijuar disa drafte që mundësonin ngritjen e Byrosë që do të funksionojë në bazë të policsë, por edhe nën mbikqyrje të vazhdueshme nga Prokuroria. Në mendimin tim kjo strukturë duhet të jetë në varësi të policisë, sepse do të bëjë të domosdoshme hetimin. Çdo varësi tjetër nuk do të mundësonte gjurmimin policor”, tha Çako.
Ndërkohë, nuk ka ende një marrëvshje mes palëve në politikën shqiptare se nga cili institucion do të varet Byroja Kombëtare e Hetimit. Por ndërkombëtarët janë shumë të qartë në këtë pikë, ata propozojnë që Byroja Kombëtare e Hetimit duhet të jetë një institucion I pavarur pasi ka si mi8sion parësor luftën kundër korrupsionit në nivelet e larta të politikës e qeverisjes.
