Ish-kryeministri Sali Berisha është kapur pas ironisë së kryeministrit me fjalët “çadra tokë e xanun”, duke theksuar se kryeministri po kërkon të tallë e të fyejë shqiptarët me shprehjen tokë e “xanun”. Në fjalën e tij në çadër, Berisha bëri thirrje demokratëve të bashkohen në protestat kundër qeverisë.
“Së pari me shprehjen tënde prej ordineri ti mendove se mund të fyesh ata që përdorin faljen “xanun”, por harron që ata janë shumicë në diellin shqiptar. Harron se ky është një akt përçarës i turpshëm, por harron se po të garantoj ty se ata dhe secili prej tyre janë 1000 herë me njeri sesa ti. Ata i thonë Shqipërisë Shqipëri dhe e duan këtë vend më shumë se ti. Ata i thonë familjes familje dhe nuk ndajnë kurrë konceptin që ti ke për familjen, sepse ata i thonë dinjtetit njerëzor dinjitet dhe i bindur të jesh ti se janë të gatshëm të të bëjnë ty që Lana të të duket vaskë floriri. Por ti Edi Rama je verbuar, ti nuk lexon çfarë shkruhet në muret e çadrës. Në çdo centimetër shkruhet “guxo po deshe”. Ti sillesh si skuth, nga një studio në një tjetër duke u zënë me gazetarët, edhe njëherë guxo po deshe”, tha Berisha.
