Përbërësit:
- 15 peta byreku të gatshme
- 1kg tul kungulli
- 300ml qumësht
- 300gr gjalpë
- 3 vezë
- 1luge miell
- kripë
- Sipas dëshirës copëza djathi
Hapat e përgatitjes:
Grijmë tulin e kungullit me rende me pjesën me të trashë të saj.
Në një tenxhere, shkrijmë rreth 200gr gjalp dhe shtojmë kungullin duke e gatuar në zjarr të ulët per rreth 30 minuta; në këtë mënyrë kungulli do të zbutet dhe do ti avullojë lëngu i tepërt.
Në një tas rrahim vezët, shtojmë qumështin, miellin, pak kripë, 100gr gjalp të shkrirë paraprakisht në mikrovalë dhe kungullin duke i përzierë shumë mirë. Kjo është harxha me të cilën do të mbushim byrekun.
Lyejmë me pak gjalp tavën ku do të pëtgatisim byrekun, shtrojmë 5 peta duke i spërkatur çdonjerën prej tyre me pak qumësht, shtojmë gjysmën e harxhës me kungull, 5 peta të tjera (të spërkatura me qumësht), harxhën e mbetur dhe e përfundojmë byrekun me 5 petat e fundit.
I kthejmë anët byrekut, hedhim mbi të qumështin e mbetur dhe e pjekim në furrë të parangrohur në 200°C për rreth 30 minuta.
