Deputeti i Partisë Demokratike Oerd Bylykbashi deklaroi se ka skaduar afati për regjistrimin e kandidatëve për deputetë në KQZ.
Përmes një deklarate për shtyp, Bylykbashi tha se KQZ nuk ka asnjë mundësi ligjore të regjistrojë lista gjatë ditës së sotme, nëse e bën atëherë shkel ligjin.
“Në 28 prill në mesnatë ka përfunduar afati i regjistrimit të listave, çdo regjistrim do ishte shkelje ligji. Kodi zgjedhor është shumë i qartë. Listat regjistrohen jo më vonë se 50 ditë nga data e zgjedhjeve. Dita e 50 është data 29 në orën 00:00. Cdo regjistrim që bëhet sot do ishte i paligjshëm”-sqaron Bylykbashi.
