Ministri i Jashtëm i përgjigjet kryetarit të PDIU-së për Çamërinë, kundërpërgjigjet Idrizi: Nuk dëgjova vetëm një gjë: Kur do të organizojë një konferencë për çështjen çame Ministria jonë e Jashtme?
“Nuk kam ndër mënd të bëj notë proteste, sepse nuk është detyrë Ministrisë së Jashtem të bëjë nota proteste për përfundime të konferencave shkencore. Për ne është e qartë situata, në dokument zyrtare Greqia njeh Shqipërinë si partner strategjik”, kjo është përgjigja e ministrit të Jashtëm Ditmir Bushati ndaj krytarit të PDIU-së, Shpëtim Idrizi për çështje çame.
Debati mes tyre lidhet me një konferencë shkencore organizuar nga Ministria e Jashtme greke, ku është mohuar çamëria si realitet gjeografik dhe është pranuar Vorioepri si një term irredentis. Kjo pikëpamje e Idrizit është kundërshtuar nga ministri Bushati i cili ka thënë hapur se nuk do të bëjë notë proteste kundër Greqisë për çështjen çame. Bushati tha se pala greke është e angazhuar të zgjidh të gjitha çështjet që janë pezull mes dy vendeve ndërkohë që për varrezat çame në Greqi, Bushati tha se është një proces që kërkon vëmëndjen maksimale bashkë me çështje të tjera kaq sensitive në raportet mes dy vendeve.
Pasi Bushati ka sqaruar hapat diplomatik që ka ndërmarrë ministria e Jashtme me palën greke, Idrizi është kundërpërgjigjur duke i uruar suksese ministrit Bushati në marrëdhënie me palën greke por e ka pyetur sërish: “Nuk dëgjova vetëm një gjë: Kur do të organizojë një konferencë për çështjen çame ministria jonë e jashtme?” e mbylli replikën Idrizi me ministrine jashtëm Ditmir Bushati.
