Mediat greke kanë zbuluar detaje të reja nga vrasja që tronditi Greqinë ditën e sotme ku burri qëlloi për vdekjen gruan e tij me 8 plumba në një tavernë në një zonë rurale pasi kishte udhëtuar nga Athina.
Raportohet se gruaja kishte kërkuar të ndahet prej tij dhe çifti ishte në proces divorci. Një prej pjesëtarëve të ekipit që po merret me ekzaminimin e trupit të viktimës deklaroi se ajo u qëllua në këmbë, gjoks dhe kokë. Plumbi që ka marrë në kokë ka qenë fatal për të.
Krimi ndodhi mëngjesin e sotëm në Larissa. Vassilis Letsios tha për protothema.gr se 43-vjeçarja ishte kthyer në fshatin e saj 4- 5 muaj më parë për të ndihmuar në biznesin e vëllait të saj i cili pas problemeve me shëndetin ndodhet në një qendër rehabilitimi.
