Ambasadorja e Shqipërisë në Bashkimin Europian prej 2014-ës është Suela Janina. Diplomate me 20 vite karrierë ka menduar që shqiptarëve përveç negociatave për hyrjen në BE, duhet t’u hapen edhe dyert e minibankave që japin mikrokredi.
Micro Credit Risk (MCR) është një ndër shumë mikrobankat që Banka e Shqipërisë i ka licensuar vitet e fundit. MCR është krijuar nga bashkëshorti i ambasadores, Elton Janina dhe një djalosh vetëm 19 vjeçar Klei Kaçupi, për të dhënë e blerë kredi konsumatore, raporton newsbomb.al.
Aktiviteti “bankar” sipas ankuesve në redaksi të cilët kanë rënë viktima të MCR është i njëjtë me stilin që përdorin mikrobankat “mëma” të tregut të mikrokredive si Iutecredit, Microcredit Albania, Final. Bëhet blerja e kredisë së vogël nga banka e nivelit të dytë, kryesisht Raiffeisen pa e njoftuar fare kredimarrësin, pastaj fillohet kërkimi i kredisë me telefonata agresive, letra kërcënuese apo shantazhe sikur MCR do të shesë shtëpinë me përmbarues.
MCR blen e jep kredi për njerëzit nga një apartament modest pallati pranë ish-bllokut, me stilin “Sude” që në ’96-ën jepte e merrte para për mijëra njerëz nga një apartament kati tretë pranë lagjes 21 dhjetori në Tiranë.
Krijimi i skemave të kredive të vogla sot është sporti më fitimprurës në Shqipëri. Askush nuk i kontrollon si ato funksionojnë. Rasti i Micro Credit Risk është domethënës se si një “ambasadore” bashkë me një adoleshent patën nja 200 milion lekë tepër për t’i investuar dhe krijuar një minibankë në ambjentet e një shkalle pallati.
/newsbomb
