Pasi gjykata caktoi sot masën e sigurisë “arrest me burg” për 3 personat e arrestuar, banorët e Astirit sëbashku me ish-deputeti i PD-së Klevis Balliu, kanë kërkuar lirimin e 3 të arrestuarve.
Mbi ta rëndojnë akuzat “Organizimi dhe pjesëmarrja në grumbullime e manifestime të paligjshme” si dhe bllokimi i rrugës, ndërsa me ndryshimet e bëra së fundmi në Kodin Penal, kjo vepër penale dënohet deri në 3 vite burg.
Balliu tha se ndërkohë që qeveria vjedh, në burg futen qytetarët. Mes të tjerash ai sulmoi Ramën, ndërsa shtoi se kjo është protesta e qytetarëve.
“Ky do marrë zvarrë (Rama). Do tërhiqemi për vendim. Brenda 2-3 orësh do të vendosim se çfarë do të bëjmë. Ai nuk njeh asgjë. As familje, asgjë. Ata shijojnë paratë. Nga 3 milionë lekë që kishte në llogari, bëri shtëpi në Surrel. Këta vjedhin çdo ditë. 1 mln e 200 mijë euro i kanë dhënë këta banorë shtetit. Ai projekt banditesk nuk ndalet”, tha Balliu.
