Ditën e sotme duke filluar nga ora 15:30, do të rikthehet Bundesliga gjermane, e cila bëhet liga e parë nga 5 kryesoret që rikthehet në fushë.
Sigurisht për shkak se Koronavirusi ende është prezent, ndeshjet do të luhen pa praninë e tifozëve për të mos rrezikuar shëndetin e tyre. Megjithatë diçka shumë të veçantë për të mbushur stadiumin ka menduar Borusia Moshengladbah.
Këta të fundit luajnë ditën e sotme në transfertë ndaj Aintraht Frankfurt, teksa kanë nisur përgatitjet për organizimin e ndeshjes së ardhshme në shtëpi, atë ndaj Leverkusen.
Drejtuesit kanë mbushur stadiumin e tyre plot me fotot e tifozëve, të cilët janë vendosur në stolat. Diçka e veçantë kjo, për të bërë që lojtarët e tyre të mos ndihen të braktisur gjatë ndeshjes./ panoramasport
