Një aksident tragjik është shënuar paraditen e sotme, ku si pasojë e daljes së një makine nga rruga, një 25 vjeçar ka gjetur vdekjen.
Ngjarja ka ndodhur rreth orës 10:05, në vendin e quajtur Peladhi, ura e qytetit Bulqizë, ku një automjet ka dalë nga rruga.
Bëhet me dije se 25 vjeçari është dërguar për ndihmë mjekësore në spitalin e Bulqizës, por si pasojë e plagëve të marra ka humbur jetën. Mësohet se viktima udhëtonte me nënën dhe gjyshen, ku kanë mbetur të plagosura.
Grupi hetimor vijon punën për zbardhjen e shkaqeve të aksidentit, ndërkohë që policia ndodhet në vendin e ngjarjes.
