Policia e Durrësit ka arrestuar 4 persona pasi akuzohen për shfrytëzim prostitucioni.
Gjatë operacionit të koduar “Bujtina” policia ka vënë në pranga shtetasit
- P.B. 66 vjeç, banues në Ishëm, Durrës, tutor, i dënuar më parë për veprën penale “Prodhimi dhe shitja e narkotikëve”
- S.G. 60 vjeçe, banuese në Sukth i Ri, Durrës, tutore
- B.S. 34 vjeçe, banuese në Durrës, e dënuar më parë për veprën penale “Prostitucion”
- P.L. 43 vjeç, banues në Rromanat, Durrës, klient.
Nga veprimet hetimore të kryera për rreth 2 muaj rezulton se shtetasit P. B. dhe S.G. në lokalin e tyre, në Sukth, Durrës kishin punësuar femra si kamariere, të cilat i ndërmjetësonin ato me qëllim për të kryer marrëdhënie seksuale kundrejt pagesës 2000- 3000 lekë, me klientë të këtij lokali.
