Nga Jose Ortega y Gasset
…Budallai s’dyshon aspak te vetja, por e mendon veten si njeriun më të matur të të gjithë njerëzve; kjo shpjegon edhe atë qetësi për t’u pasur zili që ai paraqet, duke e instaluar kështu gjithë qënien brenda budallallëkut të vet. Njësoj si ato insektet, që është e pamundur t’i nxjerrësh prej vrimës ku banojnë, po kështu nuk ka asnjë mënyrë për të shpërngulur budallain, qoftë edhe për një çast, prej budallallëkut të vet, për ta nxjerrë kështu nga gjendja e tij e verbër e për ta detyruar të vërë në kontrast vizionin e tij të qullët mbi botën dhe format e tjera inteligjente të këndvështrimit….
