Presidenti Barack Obama së fundmi është kthyer në një personazh show-bizz, ku pamjet e tij duke kërcyer tango në një mbrëmje në Buenos Aires të Argjentinës kanë zemeruar jo pak amerikanë dhe kanë sjellë kritika nga mediat. Duket sikur kreu i SHBA-ve po argetohet pa mase ndërkohë që Brukseli u dogj nga sulmet terroriste.
Kandidatët republikanë, Donald Trump dhe Ted Cruz i kanë bërë thirrje atij të kthehet në SHBA për shkak të krizës së shkaktuar nga sulmet terroriste. Por Obama ka vijuar vizitën e tij dyditore në Argjentinë.
Për nder të vizitës së tij, presidenti argjentinas, Mauricio Macri dhe Zonja e Parë, Juliana Awada shtruan një darkë ku Obama dhe Michele kercyen me balerinet profesioniste.
