Nuk besoj të keni ndonjë plan më të mirë në këtë të diel me shi, sesa të qëndroni ngrohtë në shtëpi. E meqë edhe vetë jeni ndërgjegjësuar tashmë se po qëndruat në shtëpi nuk mund ta hiqni mendjen nga ushqimet që mund të hani, provoni të bëni briosh. Në fakt, që t’i shijoni në mëngjesin e së dielës në familje, duhet të keni nisur me përgatitjen qysh të shtunën pasdite. Aroma e shtëpisë gjatë pjekjes së tyre, në të ftohtë e në shi, nuk ka të paguar. Nuk i harruam kaloritë jo, po bëni si të bëni edhe një muaj përpara se t’i hyni seriozisht dietës.
Përbërësit për 20 briosh:
Qumësht i vakët 70 ml
Gjalpë i temperaturës së ambientit 350 gr
Sheqer 80 gr
Maja birre 13 gr
6 vezë
Miell 550 gr
Kripë 15 gr
Përgatitja:
Për të përgatitur brioshët, nisni me shkrirjen e majasë së birrës në qumështin e vakët. Ndërkaq, prisni gjalpin në kubikë. Në një enë përzieni miellin, sheqerin dhe kripën. Bashkoni qumështin me majanë. Shtoni më pas vezët dhe punojeni brumin për 68 minuta. Në fund, shtoni gjalpin dhe punojeni sërish. Gradualisht, masa e brumit do të unifikohet. Kur të jetë gati, mbështilleni brumin me qese kuzhine dhe lëreni të vijë për rreth 3 orë. Me të kaluar kjo kohë, punojeni sërish me duar për disa minuta, mbështilleni sërish me letër kuzhine dhe futeni në frigorifer ku do ta lini për të paktën 12 orë. Pas kësaj kohe, brumi do të jetë gati për t’u hapur e për të bërë me të brioshët. Për mënyrën e të vepruarit, të prerjes së brumit, ju ndihmon fotografia. Me ndihmën e letrës së pjekjes, futini në furrë për 1215 minuta. Shoqërojini me reçelin tuaj të preferuar ose me krem çokollate.
