Fermerët në disa fshatra të Fierit kërkojnë ndihmë për të përballuar koston e dëmeve në bujqësi të cilat iu shkaktuan nga moti i keq.
Banorët e fshatrave Vreshtas, Gorishovë dhe Korceraj bëjnë me dije se janë dëmtuar disa dhjetra hektarë me vreshta dhe kultura bujqësore, pemë frutore dhe qindra rrënjë ullinj brenda 20 minutash për shkak të breshërit.
Nga Drejtoria e Bujqësisë, raportohen dëme në vreshta në 45 hektarë me dëmtime në gjethe e bistakë. Dëme ka edhe në sipërfaqet e mbjella me fasule, domate, patate, qepë etj.
