Plumbat ishin drejtuar banesës së Denis Shtrazës i cili ndodhet në burg i akuzuar për vrasjen e Gazmend Çollakut
Një breshëri me plumba automatiku janë drejtuar mëngjesin e sotëm, banesës së Denis Shtrazës. Për pasojë eështë plagosur nipi i tij 12-vjeçar. Policia sqaron se ngjarja ka ndodhur rreth orës 03:00 të mëngjesit të sotëm në lagjen nr. 1 të qytetit të Durrësit. Policia sqaron se 12-vjeçari u dërgua në spitalin e Traumës dhe ndodhet jashtë rrezikut për jetën.
Denis Shtraza akuzohet për rrëmbimin dhe vrasjen e Gazmend Çollakut dhe për këtë vrasje ai aktualisht ndodhet nën masën e sigurisë arrest me burg. 33 vjeçari Shtraza dyshohet se është anëtar i një grupi kriminal që operon në zonën e Durrësit dhe të Tiranës.
Specialistët për Krimet dhe grupi hetimor po kryejnë veprimet për identifikimin dhe kapjen e autorëve si edhe zbardhjen e plotë të ngjarjes.
