Një mot i pazakontë ka përfshirë vendin fqinj, Italinë, në mes të verës. Siç raportojnë mediat vendase pas valës të së nxehtit, stuhitë e shoqëruara me reshje shiu dhe breshër kanë përfshirë zona të ndryshme të veriut. Në orët e fundit, Piemtonte është përballur me një stuhi të dhunshme breshëri. Foto e postuara në rrjetet sociale tregojnë kokrrat e breshërit me diametër gati 10 centimetra në Saluzzo dhe në zonën e Cuneos.
Në disa zona ka qenë e nevojshme ndërhyrja e forcave të emergjencës. Breshëri i fuqishëm ka shkaktuar dëme të llojeve të ndryshme në makina dhe banesa.
#pioggia #grandine Dalle Langhe è tutto. pic.twitter.com/bU02tLp8NP
— Valerio Semprevivo (@VSemprevivo) July 26, 2022
Në orët e mëparshme, ARPA kishte lëshuar një alarm të verdhë për mot të keq dhe reshje intensive në të gjithë Piemonten, me përjashtim të zonave të Piemontes juglindore.
