Reshje të pazakonta breshëri kanë rënë mëngjesin e kësaj të shtune në qytetin e Pukës. Stuhia e breshërit me përmasa të frikshme që ka goditur fshatrat Rrapë dhe Memaj të Pukës sot, nuk është parë asnjëherë, thonë banorët. Banorët janë gjetur përballë rrebeshit dhe nuk kanë pasur mundësi të bëjnë asgjë për të shpëtuar të mbjellat.
Ndërkohë Bashkia Pukë ka ngritur një grup pune për identifikimin e dëmeve në terren. Deri tani rezulton se në fshatin Memaj janë dëmtuar rreth 10 dynym të mbjella me miser dhe fasule, 1 dynym perime, 5 dynym pemtari dhe vreshta. Ndërsa në fshatin Rrape janë dëmtuar 8 dynym të mbjella me miser dhe fasule, 1 dynym perime, 7 dylym pemtari dhe vreshta.
