Reagon ministri i Brenshëm, Saimit Tahiri: Nuk ka asnjë aryse për të besuar se zgjatja e kohës do dëmtojë produktin
Ministri i Brendshëm Saimir Tahiri, tha sot se Byroja Kombëtare e Hetimit, është në process përfundimi. Ministri tahri kundërshtoi zërat se zvarritja e procesit të ngritjes së këtij institucioni është e qëllimshme.
“E sigurtë është që në kuadër të rilindjes së policisë së shtetit dhe të rezultateve mjaft inkurajuese edhe Byroja kombëtare e Hetimit do të shtojë mundësinë të luftojmë korrupsionin veçanërisht në nivele të larta. Është ende në kolaudimet finale dhe ndjek një proces të tërë. Nuk ka asnjë aryse për të besuar se zgjatja e kohës do dëmtojë produktin”, tha Tahiri.
Por kryetari i Komisionit të Sigurisë, Spartak Braho, njëherësh deputet i LSI-së, tha se është e pakuptimtë vonesa e ngritjes së këtij institucioni. Megjithatë Braho theksoi se nuk ka mosmarrëveshje për Byronë e Hetimit mes PS-së dhe LSI-se. “Nuk ka mosmarrëveshje mes PS-LSI për këtë institucion.Pas rrëzimit nga Kushtetuesja nuk ka ardhur material për këtë ligj. Ngritja e kësaj strukture e domosdoshme. Duhet të jetë nën varësinë e Prokurorisë së Përgjithshme dhe nuk i kuptoj vonesat në miratimin e kësaj structure”, tha Braho.
