DPT, në total 16 687 biznese nuk paguajnë dot taksat
Në katër muajt e fundit listës së borxhlinjve të tatimeve i janë shtuar edhe 1800 biznese të reja. Në përditësimin e kësaj liste nga drejtoria e tatimeve rezulton që në total 16 687 biznese nuk janë në gjendje që të paguajnë rregullisht taksat. Një pjesë e subjekte që janë në listën e Tatimeve rezultojnë borxhlinj që prej vitit 2010, ndërsa të tjerë janë shtuar vitin e kaluar dhe në muajt e parë të 2016. Tatimet kanë kërcënuar se për debitorët do bllokohen llogaritë bankare, automjetet dhe pronat e patundshme dhe nëse nuk paguajnë, atëherë pasuritë e tyre do të dalin në shitje.
