Bordi i Transparencës ka përfunduar mbledhjen ditën e sotme dhe ka vendosur çmimet e reja me të cilat do të shiten karburantet për një periudhë të caktuar kohe. Sipas vendimit, duke nisur nga dita e sotme, pas publikimit të vendimit, çmimi i naftës do të jetë 226 lekë për litër, çmimi i benzinës 206 lekë për litër dhe ai i gazit 104 lekë për litër. Pra vërejmë një ulje në krahasim me çmimet deri më sot.
Konkretisht për tregtimin me shumicë është vendosur vlera214 Lekë/litri për gazoilin; 194 Lekë/litri për benzinën dhe 92 Lekë/litri për gazit të lëngshëm të naftës. Ndërkohë për tregtimin e karburanteve me pakicë është vendosur që do të shitet me 226 Lekë/litri gazoili; me 206 Lekë/litri do të shitet benzina dhe 104 Lekë /litri për gazit të lëngshëm të naftës.
Ndërkohë, theksohet se çmimi i shitjes për gazin e lëngshëm të automjeteve do jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën. Sakaq, theksojmë se vendimi i bordit hyn sot në orën 18:00 në fuqi dhe është i vlershëm deri në mbledhjen e radhës.
