Fituesi i Çmimit Nobel në Letërsi Bob Dylan thyen heshtjen dhe pranon çmimin e akorduar
Bob Dylan u shpreh se nderi që ishte bërë e kishte lënë pa fjalë duke e konsideruar çmimin të mrekullueshëm. Këngëtari shtoi se nëse çdo gjë është e mundur do të jetë vetë ai që do ta marr çmimin i cili jepet këtë dhjetor në një ceremoni në Stokholm.
Që në momentin kur u publikua lajmi se ai ishte fituesi i çmimit Nobel, kantautori amerikan nuk kishte reaguar dhe madje nuk kishte kontaktuar fare me Akademinë e Shkencave në Suedi edhe pas këmbënguljeve të shumta të kësaj të fundit për t’ia dorëzuar çmimin.
