Mandati i grabitur, e ka cilësuar deputeti socialist, Ben Blushi, rikonfirmimin e pritshëm të Edi Ramës në krye të PS-së. Në një deklaratë për mediat, Blushi tha se po shkelet hapur parimi i demokracisë në PS.
“Ky është një mandate i grabitur që nuk mund të pajtohem. Si ka mundësi që ne të besojme se Shqipëria të besojë se ne mund të zbatojmë ligjin dhe kushtetutën nëse nuk zbatojmë ligjin e partisë. Është hapur një fushatë gjoja për të hapur PS. Po mund të vijë një djalë i ri 18 vjeç kur ai nuk zgjidhet”, tha Blushi.
“Si ka mundësi që ne të besojme, se Shqipëria do të besojë, se ne mund të zbatojmë ligjin dhe kushtetutën nëse nuk zbatojmë ligjin e partisë”
Deputeti socialist Ben Blushi, deklaroi pak ditë më parë se do të hyjë në garë për postin e kryetarit të PS-së, por menjëherë pas këtij momenti, deputetë të PS-së si Taulant Balla apo ministrat, Saimir Tahiri apo edhe zëvëndëskryeministri Niko Peleshi, sqaruan se në kongresin e marsit, nuk do të ketë garë por vetëm rikonfirmim të kryetarit Rama. Ata argumentuan se ky vendim vjen si rrjedhojë e statutit pasi kur partia është në pushtet, kryetari rikonfirmohet në krye të partisë.
