“Ka 2 rrugë, njëra është rrugë politike, ndryshimi me mjete politike i Shqipërinë, rruga e dytë është rruga e anarkia. Ka aventurierë nëpër Shqipëri që mund ta marrin këtë pakënaqësi e ta kthejnë në një instrument për të na futur prapë atje ku ishim në 1997. Unë s’jam për anarkinë”
“Edi Rama ka shumë shokë që kanë vrarë njerëz”, kjo është akuza e drejtpërdrejtë e deputetit socialist për kryeministrin Edi rama. Gjatë një takimi me socialist të Korçës, Blushi ka ritheksuar akuzat e forta nga kryetarit të tij duke u fokusuar tek miqtë e Edi Ramës në parlament të cilët akuzohen për të shkuarën e tyre kriminale. Për Ben Blushin, Edi rama është përgjegjësi kryesor për kriminalizimine parlamentit.“Rama ka shumë shokë që kanë vrarë njerëz dhe i ka futur të gjithë në Parlament. Unë nuk jam me këtë rrugë, unë s’mund të jem kurrë me një Parlament, të cilit Europa i thotë nxirr kriminelet jashtë. Përse erdhën kriminelët në parlament, ky s’është vetëm problemi i PS-së. Ky është problemi i Shqipërisë, ka pasur edhe luftëra në Ballkan, ka pasur dhe sëmundje Greqia, ka pothuajse faliment, Serbia shkoi në luftë, Kosova gjithë kohën me probleme me protesta, por s’kemi dëgjuar kurrë që i thotë një vendi afër nesh nxirr kriminelët nga parlamenti. Kjo s’mund të ndodhë dhe unë s’do ta pranoj kurrë këtë gjë, nuk mund të pajtohem me faktin që parlamenti kthehet në strehë të krimit”, tha dje Blushi.
Ai e sheh shumë të zymtë situatënb në Shqipëri. Sipas Ben Blushit pakënaqsitë po rriten me shpejtësi dhe për të ndryhsuar situatën ka dy rrugë, rruga politike e kundërshtisë ndaj kësaj kaste politike por tjetra dhe më e rrezikshmja siç thotë ai është anarkia, të cilën Shqiupëria e ka provuar në vitin 1997.
“Duke administruar pakënaqësinë, mund të ndryshojë Shqipëria, kjo është një arsye që bisedojmë. Duhet të administrojmë pakënaqësinë, sepse Shqipëria mund të rrokulliset shumë shpejt. Unë mendoj gjatë për këtë gjë se ku do na çojë ky depresion, ky mjerim, kjo mungesë shprese, ky korrupsion e kjo padrejtësi. Ka 2 rrugë, njëra është rrugë politike, pakënaqësia me mjete politike ndryshon Shqipërinë, rruga e dytë është rruga e anarkisë, nëse një ditë pakënaqësia është aq e madhe, kjo mund të përfundojë në anarki e ne e kemi parë këtë gjë. Ka aventurierë sa të duash nëpër Shqipëri që mund ta marrin këtë pakënaqësi e ta kthejnë në një instrument për të na futur prapë atje ku ishim në 1997. Unë s’jam për anarkinë”, tha Blushi.
