Deputeti socialist hedh akuzën e rëndë për kryetarin: Bukuroshët e Saliut po votohen si delegate në kongresin e PS-ë
“Këtë shprehje e kam dëgjuar nga Enver Hoxha. Nëse Edi Rama vazhdon citon Enver Hoxhën dhe vepron si Sali Berisha i bie të jetë në fund të karvanit”, ka thënë Ben Blushi duke reaguar për deklaratën e Ramës: “qentë le të lehin lkarvani evën përpara”.
Një një intervistë për Ora news, Blushi ka hedhur akuza të forta ndaj kryetarit për manipulim të zgjedhjeve në PS.
Ben Blushi: Nuk ka votim alternativë. Delegatët janë njerëz të emëruar. Edi Rama me deputetët e vet, për fat të keq, me disa prej tyre po emëron delegatët e këtij kongresi. Ky është thelbi. Delegatët kongresit të 19 Marsit janë duke u emëruar dhe nuk janë duke u zgjedhur.
Po ju marr një rast, rasti tipik që do e bënte të skuqej çdo njeri në PS nga Rama i pari. Nga Elbasani delegate në Kongres është një ish-deputet i cili në 2007 ka votuar për Sali Berishën president. E mbani mend Gjashtë deputetë të PS shkuan e votuan për presidencën Saliun. Ky është një nga delegatët e 19 Marsit. Kjo është tërësisht imorale.
Ne e përjashtuam në 2007 Edi Rama e riktheu për favore që nuk ia njohim dhe sot e ka bërë kreytar të këshillit të qarkut duke i dhënë luksin të jetë delegate direkt në Kongres mandje të mos votohet nga anëtarësia. Kjo është e papranueshme. Bukuroshët e Saliut po vijnë delegate për të votuar Edi Ramën në kongres. Kjo është çështja.
Zoti Rama ka bërë një status ku përvec mirënjohjes shkruan:Qentë le të lehin karvani të shkojë përpara, Keni koment?
Këtë shprehje e kam dëgjuar nga Enver Hoxha. Nëse Edi Rama vazhdon citon Enver Hoxhën dhe vepron si Sali Berisha i bie të jetë në fund të karvanit.
