“ Ka dhe një shumicë që kërkon të jetë parti e të gjithëve. Kjo shumicë mund të jetë e heshtur sepse është dhunuar në të drejtën për të zgjedhur”
Siç pritej, deputeti Ben Blushi, ka hedhur një sërë kritikash ndaj kryetarit të Partisë Socialiste Edi Rama, për të cilin tha se e ka shkatërruar këtë parti. Përmes një fjalimi shumë të ashpër, Ben Blushi ka renditur akuzat e tij kundër Ramës, duke theksuar fort se janë fakt e jo opinionin
“Në këtë parti, si në çdo parti, ka një shumicë ka dhe një pakicë, ka një shumicë absolute që kërkon një parti të përbashkët. Ka dhe një pakicë që kërkon një parti për vete dhe vetëm, për vete.
Unë flas në emër të kësaj shumicë, që mund të jete e heshtur, e dhunuar, e frenuar, po kjo ekziston dhe pret që të çlirohet. është një shpirt i zënë rob.
Ne duhet i japim mundësi kësaj shumice që të votojë me votë të lirë, por të gjithë bashkë shumicë dhe pakicë duhet të kemi një gjë të përbashkët.
Kush e solli këtë parti në deformim? Ka një emër dhe unë mendoj se është Edi Rama. Rama mori një punë për ta lënë partinë pa punë. Kjo nuk është një fantazi. Është fakt dhe opinion. Më lejoni tju jap disa fakte që nuk janë opinione. Nuk ka zgjedhje në parti. Rama është i vetmi në Europë ka një mandate 7-vjeçar”, tha Blushi.
