Shumë pranë zgjedhjeve që janë paralajmëruar nga qeveria të mbahen më 30 qershor, ka reaguar Ambasada Britanike në Tiranë.
Ambasada Britanike vazhdon t’u bëj thirrje të gjitha palëve që të angazhohen urgjentisht në dialog konstruktiv për t’i dhënë fund këtij bllokimi politik.
Ambasada gjithashtu mbështet misionin ndërkombëtar të udhëhequr nga ODIHR për të monitoruar procesin e votimit në 30 qershor.
“Gjithkush që angazhohet të dielën, në 30 qershor duhet të luajë rolin e tyre në sigurimin e një ambienti të qetë dhe të sigurt. Çdo formë e nxitjes të dhunës është e papranueshme. Ne mbështesim misionin ndërkombëtar të udhëhequr nga ODIHR për të monitoruar procesin e votimit.Ne i kërkojmë liderëve të politikës të përmbahen nga provokimet dhe retorika. Vazhdojnë t’i bëjnë thirrje të gjitha palëve që të angazhohen urgjentisht në dialog konstruktiv për t’i dhënë fund këtij bllokimi politik. Vetëm nëpërmjet bisedës, Shqipëria mund të zgjidhë situatën e tanishme politike dhe të përqendrohet në krijimin e Gjykatës Kushtetuese dhe reformës zgjedhore duke përfshirë rekomandimet e mëparshme të ODIHR-it”, thuhet në deklaratën e ambasadës.
