“Lidershipi i Edi Ramës po i jep Shqipërisë një shtysë të rëndësishme”
Ish-kryeministri britanik Toni Blair, Presidenti i Partive Socialiste Europiane Sergej Stanishev si dhe presidenti i PE-së, Martin Shultz janë personalitet të larta të së majtës evropiane që kanë përshëndetur kongresin e sotëm të PS-së. Përmes videomesazhit, ata kanë vlerësuar pozitivisht Edi Ramën në krye të PS-së dhe të qeverisë. “Lidershipi i Edi Ramës po i jep Shqipërisë një shtysë të rëndësishme. Vendi po bën progres hap pas hapi. Duam të shohim Shqipërinë në BE dhe nuk kam asnjë dyshim”, tha Tony Blair.
Ndërsa dhe presidenti i PE-së Martin Shultz, shprehet në mesazhin e tij për kongresine PS-së: “Duhet të tregojmë shumë kujdes që kriza të mos pengojë stabilitetin në rajon. Kur isha në Shqipëri pashë me sytë e mi arritjet mbresëlënëse por mos harroni se reformat janë ende për tu bërë. Keni mbështetjen e BE. Lavdëroj punën e Edi Ramës”
