Beyonce dhe Jay Z sollën pak ditë më parë projektin e tyre muzikor të titulluar “Black is King”. Përveç kauzës, e cila u “përqafua” nga të gjithë fansat e dyshes, ajo çfarë tërhoqi vëmendjen ishin dhe veshjet e zgjedhura për të kuruar imazhin e tyre.
Pjesë e këtij projekti gjigand nga dyshja e njohur kanë qenë dhe stilistët kosovarë, Kujta dhe Meri, të cilët kanë krijuar disa nga veshjet e tyre për “Black is King”.
Ata kanë shprehur në rrjetet sociale emocionet e një bashkëpunimi kaq të suksesshëm, i cili është duartrokitur nga të gjithë ndjekësit.
“Jo i lehtë, por shumë motivues, ka qenë rrugëtimi për krijimin e disa pjesëve të filmit të shkurtër të Beyonce “Black is King”. Pamja e divës në Kujta & Meri ka qenë, deri tani, perla më e çmuar që kemi prekur dhe krijuar nga duart tona të palodhshme. @beyonce, ti do jesh motivimi ynë i pafund në krijimin e artit dhe avancimin e talentit tonë përtej oqeanit. Krijimtaria jonë në shërbimin tuaj është dëshmia jonë më e madhe. I adhuroj njerëzit si ju”, kanë shkruar stilistët në llogarinë e tyre.
Kujtojmë se kjo nuk është hera e parë që Beyonce vishet nga stilistët kosovarë, pasi dhe disa muaj më parë ajo zgjodhi stilimet e tyre në tapetin e kuq të “Grammy’s Award”.
https://www.instagram.com/p/CDd8aq3Ftog/
https://www.instagram.com/p/CDZUtRdF-_R/
https://www.instagram.com/p/CDWLMeAlL8E/
https://www.instagram.com/p/CDYlTq6logp/
