Bandat kriminale shqiptare dhe mafia romane janë vënë përsëri në shënjëstër nga Antimafia Italiane të cilat akuzohen për përfshirje në afera biznesi të paligjshme, siç është ajo e lojërave të fatit.
Hetimet e DIA kanë zbardhur se një nga emrat më të njohur të mafias romane, Salvatore Nicitra, i konsideruar “mbreti” i lojërave të fatit në Romën veriore, ishte përfshirë në aferë biznesi me klanet kriminale shqiptare për kontrollin e basteve të paligjshme online.
Bosi roman po përgatiste të kalonte administrimin e platformave të tij elektronike në duart e shqiptarëve.
Lidhjet e klaneve kriminale shqiptare me mafian romane shfaqen dhe në dosjen hetimore. Aty zbardhet edhe ekzistenca e një pakti paqeje mes klaneve kriminale romane për shuarjen e luftës mes tyre.
Operacioni i fundit i koduar “Tom Hagen” ka vënë nën akuza të reja Salvatore Casamonica, bosi i klanit mafioz Casamonica aktualisht i burgosur.
Ky operacion çoi më tej hetimet e dy operacioneve të mëparshme të Antimafias italiane “Brasile loë cost” e “Grande raçordo criminale” ku me akuzën e trafikut të drogës u vunë në pranga 51 persona, mes të cilëve dhe shqiptari Dorian Petoku.
Në dosjen hetimore të këtij operacioni është shfaqur edhe emri i shqiptarit Arben Zogu, i arrestuar për pjesëmarrje në aktivitet mafioz e trafiqe ilegale, e aktualisht i burgosur në burgun e Viterbos.
Hetimet e Antimafias italiane vazhdojnë.
Pasoja e dosjes “Balluku”, bllokohet raporti IBAR, kyçi i negociatave për nisen e mbylljes së kapitujve –
Shqipëria ka ngecur në Bruksel, mes Komisionit dhe Këshillit të Bashkimit Europian. Edhe pse qeveria e unionit thotë që vendi...
