Shoqata për mbrojtjen e tregtarëve kërkon pezullimin e gjobave derisa kushtetuesja të marrë një vendim për ligjin që parashikon burg për biznesmenët
Biznesi i drejtohet sërish Gjykates Kushtetuese lidhur me masat e rrepta të qeverisë Rama ndaj tyre. Shoqata për mbrojtjen e tregtarëve ankimoi pranë kushtetueses ndryshimet në Kodin Penal, të cilat parashikojnë burg për bizneset që kapen me shkleje.
Biznesmenët kërkojnë nga qeveria pezullimin e neneve që parashikon dënimin me burg për bizneset derisa të merret një vendim perfundimtar i Gjykatës Kushtetuese.
Shoqata për Mbrojtjen e Tregtarëve argumenton se ndryshimet në Kodin Penal kanë renduar ndeshkimin ndaj personave qe ushtrojne veprimtari private, ne drejtim te biznesit te vogel apo te madh.
Sipas shoqatës, pas revokimit të masës së denimit me gjoba janë shtuar paragrafe të cilat parashikojnë dënimin që shkojnë deri në 10 vite burg.
Ndërkohë Dhoma e Tregtisë dhe Industrisë ka dorëzuar një tjetër ankimim në Gjykatën Kushtetuese për ligjin e supergjobave ose ato të procedurave tatimore që aktualisht është pezulluar nga kjo gjykatë bazuar në një tjetër padi të Shoqatës për Mbrojtjen e Tregtarëve.
