Mesi, Suarez, Neimar e përballë tyre Grizman, Grameiro dhe Torres… nesër në 22:00 në “Kamp Nou”
MSN kundër GGT. Duket si iniciale korporatash, por në fakt janë inicialet e biznesit të golit. Nesër do të jetë një tjetër ndeshje e madhe e aksit Barcelonë – Madrid, që mund të cilësohet edhe El Clasico numër 2. Katalanasit do të kenë përballë Altetikon, që nuk është më skuadër tjetër e kryeqytetit spanjol, e mbetur nën hijen e Realit, por një ekip që vitet e fundit ka ndikuar për ta bërë tri polar një nga kampionatet më të fortë të Globit. Dhe ka shumë për të parë në “Kamp Nou”, mjafton të përmendësh treshen Mesi, Suarez dhe Neimar, autorë të 13 golave në këtë fillim sezoni dhe nga ana tjetër francezët Grizman dhe Grameiro, të ndihmuar nga Fernando Torres, autorë të 11 golave. Pra nesër në 22:00, çfarë pune më të mirë mund të bësh në atë orë?
