Një tjetër ngjarje e rëndë ka ndodhur këtë të diel ku një 43-vjeçar ka humbur jetën në Lezhë.
Mësohet se punëtori me inicialet M. Sh., ka qenë duke punuar në lartësi kur ka rënë nga skela dhe është plagosur rëndë.
Ai është dërguar me urgjencë në spitalin e Lezhës dhe është futur në sallën e operacionit. Por ai ka ndërruar jetë. Burime nga policia thanë se 43-vjeçari kishte marrë plagë të rënda në trup.
Policia ka nisur hetimet për të zbardhur shkaqet e ngjarjes së rëndë.
