Aleksandër Biberaj, anëtar i Këshillit Kombëtar të PD ka dënuar gjuhën e ashpër të kryeministrit Edi Rama për Francën lidhur me çështjen e vaksinimit.
I ftuar në “Abc-ja e mëngjesit”, gjatë bashkëbisedimit me gazetarin Enkel Demi, Biberaj tha mes të tjerash se letra që del nga ambasada franceze vjen nga presidenti Macron dhe siç thotë ai diplomacia nuk funksionon në atë mënyrë.
Gjithashtu ai ka krahasuar sjelljen e krydemokratit Lulzim Basha me kryeministrin Edi Rama në raport me ndërkombëtarët, që sipas tij janë shumë ndryshe.
Gjatë bisedës, Biberaj nuk hezitoi të përmendë edhe gabimet e Partisë Demokratike si djegia e mandateve dhe bojkotimi i zgjedhjeve lokale. Megjithatë siç thotë ai gjithçka u bë që Rama të reflektonte.
“Ka qenë gabim djegia e mandateve dhe mosmarrja pjesë në zgjedhjet vendore. Por ishte një gabim i detyruar me idenë se ky do të reflektojë. Ky jo vetëm që nuk reflektoi por e shtriu të keqen. Sikurse kemi bërë gabim që nuk kemi marrë pjesë në ndarjen administrative. Por gabimet në politikë kanë një kosto dhe nuk është momenti që të meremi. Unë mendoj se secili prej nesh ka nxjerrë mësimet e veta. E vërteta është se iu la fusha bosh”, u shpreh ai.
Në fund ai shpreh bindjen se në 25 prill fiton opozita, pasi sipas tij është e ndjeshme nevoja për ndryshim.
Pjesë nga biseda në studio:
Aleksandër Biberaj: Letra që del nga ambasada franceze vjen nga Macron sepse kështu funksionon diplomacia dhe rrjedhimisht ai kërkon një përgjigje. Që do të thotë jo përgjigje me bejte. Kryeministri po ta vësh re ka degraduar aq shumë sa edhe fjalori ka mbaruar. Po të bëni një matje të fjalëve që përdor Edi Rama kam përshtypjen nuk janë më shumë se 100 fjalë. Ky është degradim dhe tallje me një komb të tërë. Do të perifrazoja një filozof, një njeri i rritur keq kurrë nuk mund të bëhet lider. As me ambasadorin Soreca nuk mund të sillet ashtu. Po ky është modeli i tij, nuk është çudi.
Enkel Demi: Sjellja me ambasadorin Soreca do të thotë që ai nuk e çmon atë, në mënyrë personale, dhe këtu fajin e ka Soreca. Nuk mund të komunikojë me kryeministrin e një vendi me sms. Unë vë re një dhe në këtë rast Basha më duket më përpara, në raport sesi komunikon me ndërkombëtarët. Militantët e PD nëse kanë një njeri që nuk e shohin dot me sy është Palmer që certifikoi zgjedhjet moniste në Shqipëri. por komunikimi i tij me Palmer është në një nivel krejt tjetër. Në njëfarë mënyre tregon që është një politikan që kanë një mënyrë tjetër të konceptuari tjetër.
Aleksandër Biberaj: Nuk mund të nxjerrësh para disa teka të tuat. Basha ka edhe eksperiencën e punës në Umnik por edhe si ministër i jashtëm. Ka shumë socialistë që mund ti shërbenin si këshilltarë të kryeministrit. Ky çon një djalosh ministër të jashtëm, pa këshilltarë. As Enver Hoxha nuk ka pasur kaq shumë pushtet. Ka qenë gabim djegia e mandateve dhe mosmarrja pjesë në zgjedhjet vendore. Por ishte një gabim i detyruar me idenë se ky do të reflektojë. Ky jo vetëm që nuk reflektoi por e shtriu të keqen. Sikurse kemi bërë gabim që nuk kemi marrë pjesë në ndarjen administrative. Por gabimet në politikë kanë një kosto dhe nuk është momenti që të merremi. Unë mendoj se secili prej nesh ka nxjerrë mësimet e veta. E vërteta është se iu la fusha bosh.
Enkel Demi: Më bën përshtypje, se nuk e shoih të shëndetshëm mendërisht. Shenja e fundit ishte imitimi që i bëri zotit Gjekmarkaj në emision.
Aleksandër Biberaj: Ishte zoti Basha te Klani dhe Rama te Top Channel. Ishte rëndë, nuk e kam parë ndonjëherë në jetën time aq rëndë. Nuk duhej lejuar që ky të vazhdonte degradimin e qeverisjes.
Enkel Demi: Unë them ta pushtojmë Francën para 25 prillit.
Aleksandër Biberaj: Edhe unë dakord jam…Unë mendoj se opozita fiton më 25 prill. Janë të gjithë indikatorët e nevojës së një ndryshimi të madh.
