Vetë fakti se Beyonce ende po vazhdon martesën me Jay Z, mund të jetë një provë e madhe që këngëtarja e ka falur reperin për të rastet që ai nuk ka qenë besnik ndaj martesës së tyre.
Por deklarata më e fundit e këngëtares në koncertin e fundit, duhet thënë se ka bindur një herë e mirë fansat e saj se mes Beyonce dhe Jay vazhdon dashuria e madhe njësoj si në fillimet e tyre. Tradhëtitë e reperit, janë gjëja e fundit në mendjen e këngëtares.
Përpara se të kendonte All Night, një nga këngët hite të albumit Lemonade, Beyonce tha përpara turmës shumë e buzëqeshur: “Kjo është kënga ime e preferuar, sepse flet për faljen dhe për ëmbëlsinë”.
Në këtë këngë përfshihen edhe rreshta të tillë si “Më kishe munguar”, ndërsa në klip shfaqen momente nga dita e lumtur kur Beyonce kurorëzoi dashurinë me Jay! Po ashtu përfshihen edhe momente me vogëlushen e tyre, Blue Ivy Carter.
