Janë betuar sot dy kryebashkiakët e rinj të PS-së në Vorë dhe Delvinë.
Mësohet se gjatë mbledhjes në prefekturën e Tiranës në krye të bashkisë së Vorës u betua Agim Kajmaku si dhe u konstitua Këshilli Bashkiak. Në krye u zgjodh kryetarja Mimoza Lala dhe 3 nënkryetarët Edmond Mema, Gazmend Zela dhe Ruzhdi Merja.
Kujtojmë se Gjykata e Tiranës nuk e miratoi mandatin e Kajmakut, ndërsa gjyqtarja Fida Osmani, në Gjykatën Administrative pranoi ankimimin e kryeministrit Edi Rama dhe i miratoi mandatin kryebashkiakut të Vorës.
Ndërkohë për bashkinë e Delvinës u betua edhe Majlinda Qilimi dhe u konstitua Këshilli Bashkiak. Ceremonia u mbajt në mabientet e bashkisë, pasi kryebashkiaku në ikje nga radhët e LSI Rigels Balili nuk shkoi sot në zyrë.
