Besimtarët ortodoksë në mbarë vendin kremtuan në mesnatë ngjalljen e Krishtit në meshën e pashkëve, dita më e rëndësishme në kalendarin festiv të krishterë.
Në Tiranë mesha e mbajtur në Kadetralen Ortodokse “Ngjallja e Krishtit” mblodhi të gjithë besimtarët në lutjet dhe urimet e tyre për këtë ditë të Ringjalljes së Krishtit. Mesha e shenjtë zgjati deri pas mesnate, e sipas traditës dhe riteve, të gjithë besimtarët u bashkuan për të uruar ringjalljen e Jezusit. Ringjallja e Krishtit është një mesazh shprese dhe besimi për të gjithë njerëzimin.
Besimtarët ortodoksë i urojnë “Pashkë të bardha” njëri-tjetrit në këtë festë të bekuar dhe risjellin ne vëmendje ngjarjen e madhe të ringjalljes se Jezusit të Nazaretit, tre ditë pas vdekjes së tij në kryq.
