“Aparati i prodhuar në Izrael, Edi Rama ka përgjuar edhe kreun e Kuvendit, Ilir Meta”
E përfolur gjatë gjithë këtyre ditëve ekzistenca e një video përgjimi për një ministër të qeverisë aktuale është pranuar edhe nga ish kryeministri Berisha. Në një intervitë televizive në Ora News, Berisha tha se atë video e ka një tv, dhe se shpresonte që ajo të transmetohej. Por Berisha nuk ka preferuar të japë emra as për ministrin e përfolur e as për televizionin që mund të ketë videon në fjalë.
Për përjashtimin e tij nga Kuvendi, Berisha tha se ky është një akt kundër fjalës së lirë. Një tjetër akuzë e bërë nga Berisha ishte edhe ajo që ka të bëjë me paisjen e përgjimit, për të cilën ai tha se ka qenë një aparat i prodhuar në Izrael dhe se me të krahas gjithë të tjerëve Edi Rama ka përgjuar edhe kreun e Kuvendit, Ilir Metën.
