Në një postim në facebook, kryetari i Partisë Demokratike Sali Berisha ka publikuar një video të frikshme e xhiruar në Shëngjin ku u rrezikohet seriozisht jeta pushuesve nga një mjet motorik ujor. Kjo vetëm dy ditë pasi një oficer policie vrau më skaf një fëmijë 7 -vjeç në Himarë.
“Kjo po ndodh në Shëngjin! Lexoni mesazhin, shikoni videon e qytetarit digjital. Përshëndetje Doktor. Pa u mbushur 48 orë nga krimi horror ku oficeri policisë copëtoi vajzën 7- vjeçare një tjetër patronazhist i rilindjes për pak i merr jetën pushuesit në Shëngjin, video nuk ka nevojë për koment!” – shkruan Berisha.
Kujtojmë se dy ditë më parë Himara prodhoi një ngjarje tragjike, pasi një vajzë 7-vjeçe u godit për vdekje nga një skaf që drejtohej nga polici Arjan Tase.
