Byroja e Kuvendit vendosi sot përjashtimin e deputetit Sali Berisha, për dhjetë ditë nga seancat parlamentare. Ish-kryeministri përjashtohet për thyerje të rregullores së Kuvendit. Kërkesa ishte bërë nga kreu i grupit parlamentar të Partisë Socialiste, Gramoz Ruçi, pas akuzave të Berishës seancën e së enjtes, ndaj kryeministri Rama.
Pas mbledhjes se byrosë parlamentare, deputeti demokrat Edmond Spaho tha se vendimi është I padrejtë ndërsa deputeti socialist Taulant Balla tha se ligji është i barabartë për të gjithë, kushdo qoftë shkelësi.
