Kryetari i Partisë Demokratike Sali Berisha në mbledhjen e Grupit Paralamentar të PD-së që nisi sot, u shpreh se Rama e di se ku është fshehur i shumëkërkuari Ervis Martinaj.
Ndërsa e ka akuzuar duke thënë se vëllai i tij Olsi Rama gjithashtu është në dijeni të vendit ku qëndron Martinaj pasi ai është njeriu më i përfolur i lojërave të fatit.
Berisha tha se nëse Martinaj do të ishte vrarë familja e tij do të ishte njoftuar pasi hetimet varen nga prokuroria që sipas tij nuk po angazhohet në çështjen “Martinaj”.
“ Ky është i çmendur, i pangopur, vjedhja shtohet me të vjedhur. Nuk ka sektor që ky nuk ka shtri tentakulat e veta, ia morën lojërat e fatit Ervis Martinit dhe tani thotë ku është. Po e di vetë ai ku është, ai ishte biznesmeni i lojërave të fatit. Olsi Rama është njeriu i përfolur për lojërat e fatit. Shko pyet Batonin, a nuk shkruajti ai që është me 6 copa. Shikoni tani, një njeri i zhdukur që thotë është në 6 copa në prokurori, do thoni nuk e tha Fuga po e thanë Fugat e tij. A nuk ishte Batoni që na thoshte se Linda është për presidente? S’ka më të mirë se Lindën për presidente, ai është zëdhënësi i familjes. Çfarë prokurorie është kjo që thuhet se mban një kufomë me 6 copa, pse nuk bën përgënjeshtrim, po njeriu çfarëdo që t’i ketë ndodhur nuk trajtohet në këtë mënyrë, nëse është në 6 copa familja njoftohet”, tha Berisha.
