Duke komentuar ndikimin që presidenti turk Tajip Rejep Erdogan ka te kryeministri Edi Rama, kreu i Partisë Demokratike, Sali Berisha bëri deklaratën e fortë se ka qenë ministri i jashtëm turk që vendosi për largimin e ish ministrit Ditmir Bushatit.
Berisha deklaroi para gazetarëve se nuk mundet presidenti i Turqisë të ndërhyje se kush duhet të jetë kryemyftiu i vendit tonë, madje sipas tij nuk ndërhyn as kryeministri as presidenti.
“Ministri i jashtëm turk vendosi për largimin e Ditmir Bushatit. Nuk mundet presidenti i Turqisë të ndërhyje se kush duhet të jetë kryemyftiu, nuk ndërhyn as kryeministri as presidenti. Këto që ndodhin janë të papranueshme. Ju them shqiptarëve se islami shqiptar është islam perëndimor. Ka historinë e tij nga më të lavdishmet, që nga qëndrimi ndaj alfabetit tek përkthimi i kuranit dhe vendime te tjera shumë të rëndësishme. Dua te qartësoj se kemi specifikat tona, vëllezër jemi vetëm me njeri tjetrin. Vëllazëria është brenda kombit”, tha Berisha.
